Pano kaya kung may Ctl Z ang buhay?

Sa aking trabaho, ang isang bagay na hindi kami mabubuhay ng wala ay ang computer. Ito ang aming kasa-kasama sa araw araw na nag-e-edit kami ng mga files. Sa sobrang close na namin ng aming mga computers, hindi namin maiwasan ng aking mga officemates na mag-isip: Pano kaya kung may Ctl Z ang buhay?

Alt FS: May mga parte, maganda man o hindi, ng buhay natin na kailanman ay gusto nating naka-store sa ating mga memory; dito magagamit ang Alt FS. (Dito rin magandang gamitin ang Alt O, para kung gusto nating balikan ang nakaraan, mamimili lamang tayo sa mga sinave nating memories.)

Arrow keys: Minsan (o madalas), di natin malaman ang direction ng ating buhay. Napakadali lamang sana kung may arrows din na magututro kung saan ba tayo dapat pumunta. Pwede din natin itong gamitin pag meron tayong specific na parte ng buhay na gusto nating balikan.

Spacebar: May mga tao na dikit ng dikit sa atin kahit na sakal na sakal na tayo sa kanila o di kaya’y kahit na anung gawin natin ay parang ayaw na nating makasama. Mayroon din naman yung mga pilit nating iniiwasan. Spacebar ang kailangan natin. Minsan pa, may mga tao na maraming pindot sa spacebar ang kailangan.

Ctl-Alt-Dlt: Minsan, gusto nating magsarili pansamantala at mawala muna sa gulo ng mundo at ng ibang tao. Maari nating gamitin ang Ctl-Alt-Dlt. Dito, pansmantala tayong nakatago o naka-tune out sa mundo. Hindi tayo pwedeng magalaw o magulo ng kung sino man. Tayo’y nasa temporary isolation. At kapag gusto mo nang bumalik, ay mag-u-unlock ka lang. 

F7: Minsan, kailangan nating tumigil at mag-assess…ano nga ba ang mga naging wrong spelling at wrong grammar sa buhay natin? Merong mga suggestions na ibinibigay sa kung ano ang tama. Nasa atin na lamang kung tatanggapin ba natin ang mga suggestions na ito at itatama ang mga maling spelling at grammar.

Ctl C, Ctl V: Kailangang magkasama ang dalawang ito. May mga parte ng ating buhay na kung pwede lang maulit ng maulit. Ang maganda dito, sa isang Ctl C ay pwedeng maraming Ctl V.

Ctl I o Ctl B: May mga parte ng ating buhay na gusto nating i-emphasize para litaw na litaw, pwedeng mga tagumpay natin o kaya mga "proud moments" natin. Pwede natin itong i-Ctl I o Ctl B.

Ctl F: Minsan, parang may kulang sa ating buhay na hindi natin malaman kung ano. O kung alam man natin ay hindi natin makita. Gamitin ang Ctl F.

Ctl N: Kung gusto mong gumawa ng panibagong yugto sa iyong buhay. Hindi nangangahulugang ayaw mo na sa iyong kasalukuyang buhay…nais mo lamang magkaroon ng ibang dimension ang iyong buhay.

Alt F4: Kung gusto mo nang umalis sa iyong buhay.

At ang aking paborito–Ctl Z: May mga nagawa tayo sa buhay natin o kaya mga nangyari sa ating buhay na kung pwede lang ay mabalikan natin para hindi na natin magawa o hindi na mangyari pa. Maari natin itong i-Ctl Z. Iba ito sa Delete dahil pag nag-delete ka, andun pa rin yung katotohanang nagawa mo and nangyari ang isang bagay. Sa Ctl Z, undo talaga at wala nang bakas pa ng naganap. Alam ko gasgas na gasgas na ang statement na "Wala akong babaguhin sa buhay ko dahil lahat ng mga naganap sa aking nakaraan ay nakacontribute sa kung sino ako ngayon." Aminin man natin o hindi, may mangilan-ngilang bagay sa ating buhay na nais nating balikan at i-Ctl Z at baguhin, kung pwede pa.

O diba? Napakadali lang sana ng buhay kung may Ctl Z ano?